Есту бұзылыстары бар балаларға ерте психологиялық-педагогикалық көмек

Баланың есту қабілетінің төмендеуін қалай білуге болады:

— жаңа туған нәресте қорықпайды;

— кенеттен шыққан қатты дыбыстарға назар аудармайды, дауысты естігенде қатып қалмайды;

— алты айға дейін бала күтпеген қатты дыбыс кезінде көзін ашпайды;

— 4 айлық бала шудың қайдан естілгенін таппайды, басын дыбыс естілген жаққа бұрмайды;

— бір жасқа дейін қарапайым сөздерді сөйлемейді;

— бір жылға дейін нәрестеде жандандыру кешені пайда болады (күлімсірейді), былдырлау пайда болуы мүмкін, бірақ бір жасқа қарай ол басыла бастайды, содан кейін толығымен жоғалады;

— бала жиі қайталап сұрайды, есту үшін дыбыс жаққа (теледидарға, радиоға, ойыншыққа) жақындайды.

Егер Сіз баладан есту бұзылысын байқасаңыз, не істеу керек?

— оториноларинголог-дәрігерге қаралу;

— сурдолог-дәрігерге жүгіну керек.

Есту қабілеті бұзылған балаға медициналық-педагогикалық көмек көрсету кешені:

— есту қабілетінің бұзылуын ерте (2-4 ай) анықтау және диагностикалау;

— есту қабілетінің бұзылуын, жүйке жүйесінің патологиясын және басқа да бұзылуларды емдеу;

— ерте бинуральды (екі жақты) есту аппараттары (2-6 айлық жаста);

— есту қабілетін жүйелі түрде тексеру (6 айда бір рет), өйткені көптеген балалардың есту қабілеті өмірінің алғашқы жылдарында нашарлайды, яғни есту аппараттарын қайта реттеу немесе ауыстыру қажет;

— кохлеарлы имплантация жүргізу, егер бала қатты естімесе немесе керең болса (оңтайлы жас 10-18 ай);

— балада әртүрлі дағдыларды (естігенді қабылдау, сөйлеу, қарым-қатынас және т.б.) дамыту үшін сурдопедагогпен / логопедпен / психологпен сабақтар;

— күнделікті іс-әрекеттер мен бірлескен ойындар кезінде баланың есту қабілетін, қарым-қатынас жасауын, ойлауын, сөйлеуін және т.б. дамыту үшін ата-аналарды психологиялық қолдау және оқыту.

Ерте жстағы баламен сурдопедагогтың жұмыс бағыттары:

— қарым-қатынас дағдыларын дамыту;

— есту аппаратына /кохлеарлы имплантқа бейімделу;

— сөйлеуді түсіну мен ауызша сөйлеуді дамыту;

— жалпы және ұсақ моториканы дамыту;

— өзіне-өзі қызмет көрсету және әлеуметтік дағдыларды дамыту;

— ата-аналарды психологиялық қолдау және оқыту.